Gästebuch

Liebe Gäste!

Ob hier oder in unserem Hüttenbuch... wir freuen uns auf jeden Eintrag von euch.

 


Kommentare: 8
  • #8

    TaMi & Familie (Samstag, 19 September 2020 16:12)

    Liebi Fam. Eymann

    Wunderbari Feriedääg hänn mir ufem „Rote Härd“ erläbt. D’Sunne het täglich mit uns um d’Wett gschuhne und s’Bade im Brunne isch e prima Abküehlig gsi. Eifach d’Natur gniesse, e paar Blüemli pflücke, Kubb spiele, Holzhacke und luege, dass s’Füür im Ofe tuet brenne damit mir es feins Zvieri könne backe oder s’Wasser im Kessel in d’Kuchi transportiere, das alles het zunere erläbnissrieche und kurzwielige Zyt gfüehrt.

    Unseri Usflüg in der Umgäbig sind schön gis und was mir üsserscht gnosse hänn, sind s’Mithälfe bim Heuue und unseri Bsüech bi euch uf dr Alp gsi. Im Ställ mithälfe, Hüehner und Hääsli striechle, de Kälbli s’Trinke im Kessel ahnehebe, d’Küeh uf d’Weid begleite oder euch eifach über d’Schultere luege – schön isches gsi – härzliche Dangg nomoll an dere Stell für eure wärtschätzende Umgang mit uns und die wunderbare Erläbniss.

    TaMi und Familie

  • #7

    Tanja (Sonntag, 24 Mai 2020 21:16)

    Liebi Eymanns
    Was für eine Erlebnis! Wir verbrachten unvergessliche Tage im Hüttli. Die Besuche im Stall, das selber einmal Melken ausprobieren dürfen, das Trinken der wunderbaren Milch, das Schnitzen, Füüre, Ofenbrot backen, lange draussen Sitzen am Feuer, Wandern, Raclette Essen in der gemütlichen Stube bei Regenwetter, der Besuch des frisch geborenen Chälbli das alles war für uns zwei Familien mit Kindern sehr schön.
    Wir kommen wieder!
    Herzliche Grüsse, Tanja & Familie

  • #6

    Dürst (Sonntag, 28 Juli 2019 09:55)

    Ihr Lieben, unser Aufenthalt im Hüttli war wieder einmal Hammer! Tolles Wetter, schöne Wanderungen, gemütliches Beisammensein und einfach Ruhe pur...
    Vielen Dank für die super Gastfreundschaft. Wie ihr wisst, kommen wir sehr gerne wieder :)
    Alles Gute für Euch und bis Bald

    Deby mit Family

  • #5

    Familie Probst (Montag, 02 April 2018 17:18)

    E Geis, nei zwöi.
    Es Chaub, nei zwöi.
    E Nacht, nei mehreri.
    E gueti Ziit hei mer bi öich dörfe erläbe.
    Gmögig isch dä Roti Härd iigrichtet.
    D Ching chönne nid gnueg säge wie guets ene gfaue het.
    Mer grüesse aui lieb u wärde oft a eu dänke.
    Uf wiederluege, d Familie Probst

  • #4

    Regula Dänzer (Sonntag, 11 Juni 2017 19:24)

    Liebi Eymann's
    Mir hi äs super Polterwuchäend a dem wunderschönä Plärzli verbracht. Als het passt! Ganz härzlichä Dank im Namä vo allnä Polterinnä!!! Viil Erfolg witerhiin mit öiem Rotähärd-Hüttli

  • #3

    Olivier & Monika (Mittwoch, 15 März 2017 20:31)

    Gratulation zur neue Homepage vom Hüttli. Mir freue üs jetz scho demnächst bi euch im Hüttli dörfe ds Gast si. Bis denn, aues Guete und e schöni Zyt.

  • #2

    Carina Husner-Felchlin (Montag, 06 März 2017 10:25)

    Salü mitänand,
    ja, würggli ä sehr schön gmachti nüi Websiitä!
    Mir wünsched üch ganz villi zfriedni Feriägescht im Hüttli. ä unfallfrii Saison und eifach ä gäbigi Ziit - Hebed's guät!
    Herzlichscht Carina & Georg

  • #1

    Adrian Mani (Donnerstag, 02 März 2017 14:46)

    Liebi Claudia liebe Markus
    so schön bi Euch obe bim Hüttli. Das gluschtet eim grad völlig id Ferie z cho.
    Kompliment zu Euere schöne Website. Die isch glunge.
    Wünsche öch ä guete Start i Frühling u de e super Summer.

    Liebe Gruss Adrian Mani